ద్వారకాతిరుమల ఆలయంలో మరోసారి భద్రతా వైఫల్యం

ద్వారకాతిరుమల ఆలయంలో మరోసారి భద్రతా వైఫల్యం వెలుగులోకి వచ్చింది. ఏలూరులోని ఈ ప్రసిద్ధ ఆలయంలో ఓ వ్యక్తి స్వామివారి మూలవిరాట్‌తో పాటు ఆలయం లోపల వీడియోలు తీసి సోషల్ మీడియాలో పోస్టు చేయడం కలకలం రేపింది. ఆలయంలో సెల్‌ఫోన్ల వినియోగం నిషేధం ఉన్నప్పటికీ ఈ ఘటన జరగడం ఆందోళనకు గురిచేస్తోంది.

ఈ ఘటనపై భక్తులు తీవ్ర ఆగ్రహం వ్యక్తం చేస్తూ ఆలయ అధికారుల నిర్లక్ష్యాన్ని ప్రశ్నిస్తున్నారు. ఆలయం అంతర్భాగాలను కూడా చిత్రీకరించడంపై భద్రతా లోపాలపై విమర్శలు వెల్లువెత్తుతున్నాయి. ఆలయ పవిత్రతను కాపాడేందుకు కఠిన చర్యలు తీసుకోవాలని భక్తులు డిమాండ్ చేస్తున్నారు.