అభిజీత్ దిప్కే అరెస్టు అవకాశం.. ఢిల్లీ విమానాశ్రయంలో హైటెన్షన్

కాక్‌రోచ్ జనతా పార్టీ (సీపీజే) నేత అభిజీత్ దిప్కేను ముందస్తు నిర్బంధంలోకి తీసుకునే అవకాశం ఉన్నట్లు సమాచారం. ఆయన చేపట్టే నిరసనలు శాంతిభద్రతలకు విఘాతం కలిగించే అవకాశం ఉందని భద్రతా సంస్థలు అంచనా వేస్తున్నాయి. అమెరికా నుంచి డిపోర్ట్ అయి శనివారం ఢిల్లీ విమానాశ్రయానికి చేరుకోగానే ఆయనను అదుపులోకి తీసుకునే అవకాశం ఉన్నట్లు తెలుస్తోంది.

దిప్కే ఢిల్లీలోని జంతర్ మంతర్ వద్ద జూన్ 6 నుంచి నిరసనలు చేపట్టనున్నట్లు ప్రకటించారు. కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని ఆయన డిమాండ్ చేస్తున్నారు. అరెస్టు అవకాశం ఉందని తెలిసినా భారత్‌కు తిరిగి వస్తానని ఆయన వీడియో సందేశంలో తెలిపారు. తనకు బెదిరింపులు వచ్చినా వెనక్కి తగ్గేది లేదని ఆయన పేర్కొన్నారు.