ఫతిమా బోష్ — పోరాటాల్ని కిరీటంగా మార్చుకున్న విజేత.

ఐదు సంవత్సరాల తర్వాత మిస్ యూనివర్స్ కిరీటం మళ్లీ మెక్సికోకు చేరింది. ఫతిమా బోష్ 2025 టైటిల్‌ను సాధించడం దేశానికి పెద్ద గర్వకారణం. డిస్లెక్సియా, ADHD వంటి సవాళ్లను ఎదుర్కొనే సమయంలోనే ఆమె తన బలాన్ని నిర్మించుకుంది. మెక్సికో సిటీ నుంచి మిలాన్‌ వరకు ఫ్యాషన్‌ డిజైన్‌ను నేర్చుకుని, ఇప్పుడు పునర్వినియోగ పదార్థాలతో సస్టైనబుల్‌ డిజైన్లను రూపొందిస్తోంది. ఫైనల్‌కు ముందు జరిగిన వివాదం కూడా ఆమె ధైర్యాన్ని దెబ్బతీయలేదు. స్టేజ్‌పై ప్రశాంతంగా, ఆత్మవిశ్వాసంతో మాట్లాడిన ఫతిమా ---మహిళల సవాళ్లు, నిజాయితీ గురించి ఇచ్చిన సమాధానాలతో అందరి మనసును గెలుచుకుంది. థాయ్‌లాండ్‌కు చెందిన ప్రవీనా‌ర్ సింగ్ రన్నర్-అప్‌గా నిలిచింది. భారత్ తరఫున మనికా విశ్వకర్మ టాప్ 12 వరకూ చేరింది. ఫతిమా విజయం ఒక టైటిల్ మాత్రమే కాదు -- ధైర్యం, నిజాయితీ, పట్టుదలలతో రాసుకున్న గెలుపు కథ.