AI ఏజెంట్లతో పెరుగుతున్న సైబర్ ముప్పు...డెల్ టెక్నాలజీస్ హెచ్చరిక!

సంస్థల్లో ఆటోమేషన్ కోసం AI ఏజెంట్ల వినియోగం పెరుగుతున్న నేపథ్యంలో సైబర్ భద్రతపై ఆందోళనలు వ్యక్తమవుతున్నాయి. లాస్ వెగాస్‌లో జరుగుతున్న డెల్ టెక్నాలజీస్ వరల్డ్ సమావేశంలో జాన్ స్కిమోన్ మాట్లాడుతూ, AI ఏజెంట్లు అప్పగించిన పనులను పూర్తి చేయడంలో అత్యంత సమర్థవంతంగా పనిచేస్తాయని, కానీ సరైన నియంత్రణ లేకపోతే అనుకోని భద్రతా సమస్యలకు దారితీయవచ్చని హెచ్చరించారు.

AI ఏజెంట్లు వెబ్ బ్రౌజింగ్, ఫైళ్ల నిర్వహణ, API కాల్స్, డేటాబేస్ యాక్సెస్ వంటి పనులు చేయగలవని నిపుణులు తెలిపారు. అయితే లార్జ్ లాంగ్వేజ్ మోడల్స్‌లో ఉన్న ‘ప్రాంప్ట్ ఇంజెక్షన్’ వంటి లోపాల ద్వారా దాడి దారులు విశ్వసనీయ వ్యవస్థల నుంచే AI ఏజెంట్లను ప్రభావితం చేసే ప్రమాదం ఉందని హెచ్చరించారు. సంస్థల్లో AI ఏజెంట్లు కొత్త తరహా ‘ఇన్‌సైడర్ థ్రెట్’గా మారే అవకాశం ఉందని నిపుణులు అభిప్రాయపడుతున్నారు.