పీఎస్‌ఎల్‌ను వీడండి...విదేశీ ఆటగాళ్లకు బెదిరింపులు

పశ్చిమాసియాలో ఉద్రిక్త పరిస్థితులు, ఇంధన కొరతల మధ్య పాకిస్థాన్ క్రికెట్ లీగ్ భవిష్యత్తు అనిశ్చితిలో పడింది. పరిస్థితులను దృష్టిలో ఉంచుకుని పాకిస్థాన్ క్రికెట్ బోర్డు లీగ్‌ను కేవలం రెండు వేదికల్లో, ప్రేక్షకులు లేకుండా నిర్వహించాలని నిర్ణయించింది. ఈ పరిణామాలు టోర్నీ నిర్వహణపై అనుమానాలు కలిగిస్తున్నాయి.

ఇదిలా ఉండగా విదేశీ ఆటగాళ్లు లీగ్ నుంచి వైదొలగాలని ఒక సాయుధ సంస్థ హెచ్చరికలు జారీ చేసింది. లీగ్‌లో పాల్గొంటే తీవ్ర పరిణామాలు ఎదుర్కోవాల్సి వస్తుందని పేర్కొంది. డేవిడ్ వార్నర్, స్టీవ్ స్మిత్, డారిల్ మిచెల్ వంటి ఆటగాళ్ల భద్రతకు హామీ ఇవ్వలేమని స్పష్టం చేసింది. దీంతో టోర్నీపై భద్రతా ఆందోళనలు మరింత పెరిగాయి.