మున్సిపల్ ఎన్నికల నామినేషన్లపై వైకాపాది తప్పుడు ప్రచారం: తెదేపా

ఆంధ్రప్రదేశ్ మున్సిపల్ ఎన్నికల నామినేషన్ల అంశంలో సుప్రీంకోర్టు ఇచ్చిన ఆదేశాలపై వైఎస్సార్‌సీపీ తప్పుడు ప్రచారం చేస్తోందని తెలుగుదేశం పార్టీ ఆరోపించింది. 19 ప్రాంతాల్లో నామినేషన్ల గడువు పొడిగించినట్లు వైకాపా ప్రచారం చేయడం సరికాదని తెదేపా పేర్కొంది. నామినేషన్ల దాఖలుకు ఆటంకాలు ఎదురయ్యాయని ఫిర్యాదులు అందిన ప్రాంతాల్లో వాటిని పునఃపరిశీలించాలని మాత్రమే సుప్రీంకోర్టు ఆదేశించిందని వివరించింది.

ఆ ప్రాంతాల్లో మళ్లీ నామినేషన్లను స్వీకరించాలా వద్దా అనే అంశంపై నిర్ణయం తీసుకునే అధికారాన్ని రాష్ట్ర ఎన్నికల సంఘానికే కోర్టు అప్పగించిందని తెదేపా తెలిపింది. మున్సిపల్ ఎన్నికల నిర్వహణపై సుప్రీంకోర్టు ఎలాంటి అభ్యంతరాలు వ్యక్తం చేయలేదని పేర్కొంది. నామినేషన్ల గడువు మొత్తంగా పొడిగించినట్లు ప్రచారం చేయడం వాస్తవాలకు విరుద్ధమని తెదేపా ఆరోపించింది.