రాజగోపాల్ రెడ్డి తీరుపై రేవంత్ ఆగ్రహం

కోమటిరెడ్డి రాజగోపాల్ రెడ్డి తీరుపై ముఖ్యమంత్రి రేవంత్ రెడ్డి ఆగ్రహం వ్యక్తం చేసినట్లు సమాచారం. నిన్న జరిగిన కేబినెట్ సమావేశంలో రాజగోపాల్ రెడ్డి చేసిన వ్యాఖ్యలపై సీఎం అసంతృప్తి వ్యక్తం చేసినట్లు తెలుస్తోంది. కాంట్రాక్టులకు సంబంధించిన బిల్లులన్నీ ప్రభుత్వం క్లియర్ చేసిన తర్వాత ప్రభుత్వంపైనే విమర్శలు చేయడం సరికాదని రేవంత్ రెడ్డి వ్యాఖ్యానించినట్లు సమాచారం.

ప్రభుత్వం గురించి ఇష్టం వచ్చినట్లు మాట్లాడితే సహించేది లేదని సీఎం స్పష్టం చేసినట్లు తెలుస్తోంది. ప్రభుత్వానికి వ్యతిరేకంగా మాట్లాడుతున్న ఎమ్మెల్యేలను నియంత్రించే బాధ్యత ఇన్‌చార్జ్ మంత్రులపై ఉందని ఆయన పేర్కొన్నట్లు సమాచారం. ఈ పరిణామాలు కాంగ్రెస్ పార్టీలో అంతర్గత విభేదాలపై మరోసారి చర్చకు దారి తీశాయి.