సాయంత్రం 4 గంటలకు రాహుల్‌గాంధీ టీ సమావేశం

కాంగ్రెస్ అగ్రనేత, లోక్‌సభలో ప్రతిపక్ష నేత రాహుల్‌గాంధీ ఈరోజు సాయంత్రం 4 గంటలకు టీ సమావేశం నిర్వహించనున్నారు. ఈ భేటీకి కాంగ్రెస్‌తో పాటు ఇండియా కూటమికి చెందిన ఎంపీలను ఆహ్వానించారు. విద్యార్థి సంఘాల ప్రతినిధులు, పౌర సమాజానికి చెందిన ప్రముఖులకు కూడా ఆహ్వానాలు పంపినట్లు సమాచారం. వివిధ వర్గాల ప్రతినిధులతో సమావేశం కావడం ద్వారా ప్రస్తుత అంశాలపై చర్చించే అవకాశం ఉంది.

టీ సమావేశం ముగిసిన అనంతరం ఇండియా కూటమి నేతలు సంయుక్తంగా మీడియా సమావేశం నిర్వహించనున్నారు. ఈ ప్రెస్‌మీట్‌లో కూటమి నేతలు తమ వైఖరిని వెల్లడించే అవకాశం ఉంది. అయితే, సమావేశంలో చర్చించనున్న అంశాలు, సంయుక్త మీడియా సమావేశంలో చేసే ప్రకటనలకు సంబంధించిన పూర్తి వివరాలు వెల్లడికావాల్సి ఉంది.