తెలంగాణ మున్సిపల్ ఎన్నికల్లో ప్రచారానికి పవన్ కళ్యాణ్ రెడీ

ఈ నెల 11న జరగనున్న తెలంగాణ రాష్ట్ర మున్సిపల్ ఎన్నికల నేపథ్యంలో జనసేన పార్టీ అధినేత పవన్ కళ్యాణ్ తెలంగాణ జనసేన నాయకులతో కీలక సమావేశం నిర్వహించి వారికి దిశానిర్దేశం చేశారు. ఈ నెల 7, 8 తేదీల్లో జనసేన పార్టీ అభ్యర్థులకు, అలాగే బీజేపీకి మద్దతుగా ఎన్నికల ప్రచారంలో పాల్గొంటానని ఆయన వెల్లడించారు.

ఈ సమావేశంలో పార్టీ ఉపాధ్యక్షులు బొంగునూరి మహేందర్ రెడ్డి, ప్రధాన కార్యదర్శి  రామ్ తల్లూరి, తెలంగాణ ఇంచార్జి  శంకర్ గౌడ్,  రాజలింగం,  ఆర్.కే. సాగర్ తదితర ముఖ్య నాయకులు పాల్గొన్నారు. రాబోయే ఎన్నికల్లో సమన్వయంతో పనిచేసి పార్టీ బలాన్ని పెంచే అంశాలపై విస్తృతంగా చర్చ జరిగింది.