ఒకేసారి రెండు ఓటీటీ లో ‘హనీ’మూవీ!

నవీన్ చంద్ర ప్రధాన పాత్రలో నటించిన సైకలాజికల్ హారర్ థ్రిల్లర్ హనీ ఈ నెల 6 న థియేటర్లలో విడుదలైంది. కరుణ కుమార్ దర్శకత్వం వహించిన ఈ చిత్రం బాక్సాఫీస్ వద్ద పెద్దగా విజయాన్ని సాధించకపోయినా, ఇప్పుడు ఓటీటీ వేదికల్లో తన అదృష్టాన్ని పరీక్షించుకుంటోంది.

విశేషమేమిటంటే, హనీ ఒకేసారి రెండు ప్రముఖ ఓటీటీ ప్లాట్‌ఫారమ్‌లలో స్ట్రీమింగ్ అవుతోంది. అమెజాన్ ప్రైమ్ వీడియోలో ఐదు భారతీయ భాషల్లో ఈ సినిమా అందుబాటులో ఉండగా, సన్ నెక్స్ట్‌లో మాత్రం తెలుగు మరియు తమిళ భాషల్లో మాత్రమే చూడవచ్చు. థియేటర్లలో కేవలం తెలుగులో మాత్రమే విడుదలైన ఈ చిత్రం, ఇప్పుడు ఓటీటీ ద్వారా దేశవ్యాప్తంగా ప్రేక్షకులను చేరుకుంటోంది.

దివ్య పిళ్లై, దివి, రాజా రవీంద్ర వంటి నటులు కీలక పాత్రల్లో నటించగా, ఈ చిత్రాన్ని రవి పీట్ల ఓవా ఎంటర్‌టైన్‌మెంట్స్ బ్యానర్‌పై నిర్మించారు. అజయ్ అరసాడ సంగీతం అందించిన ఈ థ్రిల్లర్, ఇంటి వద్ద చూసే ప్రేక్షకులను ఏ మేరకు ఆకట్టుకుంటుందో వేచి చూడాలి.