ఓటీటీలోకి కామెడీ థ్రిల్లర్.. డిటెక్టివ్ చేతికి పెంపుడు కుక్క కేసు

అనుపమ పరమేశ్వరన్, షరాఫుద్దీన్ ప్రధాన పాత్రల్లో నటించిన మలయాళ కామెడీ థ్రిల్లర్ ‘ది పెట్ డిటెక్టివ్’ ఇప్పుడు ఓటీటీలో సందడి చేస్తోంది. అక్టోబర్ 16న థియేటర్లలో రిలీజై ఐదు వారాల పాటు మంచి రన్ సాధించిన ఈ చిత్రం ఈరోజు అనగా (నవంబర్ 28) నుంచి జీ5 లో తెలుగు, తమిళ, కన్నడ, హిందీ భాషల్లో స్ట్రీమింగ్ అవుతోంది. ప్రణీష్ విజయన్ దర్శకత్వంలో వచ్చిన ఈ సినిమా ప్రియదర్శన్ శైలి గుర్తుచేసే గందరగోళ కామెడీతో ప్రేక్షకులను నవ్వుల్లో ముంచెత్తింది.

కథలో షరాఫుద్దీన్ ఒక చిన్న డిటెక్టివ్‌గా కనిపించే పెంపుడు కుక్క కేసును చేపడతాడు. అయితే ఆ కేసు అంత సులువుగా సాగదు – మెక్సికన్ మాఫియా, అరుదైన చేపల స్మగ్లింగ్, కిడ్నాప్ అయిన చిన్నారి, ఇంటర్నేషనల్ గ్యాంగ్‌స్టర్స్ అందరూ ఒక్కసారిగా కథలోకి ఎంట్రీ ఇస్తారు. ఈ గందరగోళంలో అనుపమతో రొమాన్స్, విచిత్ర పాత్రల హాస్యం, ఊహించని ట్విస్టులు కలిసి ఫ్యామిలీ ఆడియెన్స్‌కు పూర్తి ఎంటర్‌టైనర్‌గా నిలుస్తుంది. వీకెండ్‌లో నవ్వులతో రిలాక్స్ కావాలనుకునేవాళ్లకు ఇది బెస్ట్ ఆప్షన్.