విజయ్ మూవీ అడ్వాన్స్ బుకింగ్ కి ఫుల్ రెస్పాన్స్!

విజయ్ ప్రధాన పాత్రలో హెచ్. వినోద్ దర్శకత్వంలో తెరకెక్కుతున్న పొలిటికల్ యాక్షన్ థ్రిల్లర్ జన నాయగన్ పై భారీ అంచనాలు నెలకొన్నాయి. రాజకీయాల్లో పూర్తిస్థాయిలో ప్రవేశించే ముందు విజయ్ నటిస్తున్న చివరి సినిమా కావడంతో ఈ చిత్రంపై అభిమానులు, సినీ వర్గాల్లో ప్రత్యేక ఆసక్తి ఉంది. సంక్రాంతి కానుకగా జనవరి 9న తమిళ, తెలుగు, హిందీ భాషల్లో విడుదల కానున్న ఈ సినిమాకు విదేశాల్లో అడ్వాన్స్ బుకింగ్స్ ప్రారంభమయ్యాయి. వీటి ద్వారా ఇప్పటివరకు సుమారు రూ.15 కోట్ల వసూళ్లు వచ్చినట్లు ట్రేడ్ వర్గాలు వెల్లడిస్తున్నాయి.

ఇదిలా ఉండగా, ఈ చిత్రం తెలుగులో హిట్ అయిన భగవంత్ కేసరి కి రీమేక్ అనే ప్రచారం జోరుగా సాగుతోంది. దీనిపై స్పందించిన దర్శకుడు హెచ్. వినోద్, ఈ విషయాన్ని తాను ధ్రువీకరించనని, అలాగే ఖండించనని చెప్పారు. ఇది రీమేకా? లేక ప్రేరణతో రూపొందించారా? అనే అంశాలపై ప్రేక్షకులు ఆందోళన చెందాల్సిన అవసరం లేదని, సినిమాను ఓపెన్ మైండ్‌తో చూడాలని ఆయన సూచించారు.ఈనెల 3న విడుదల కానున్న ట్రైలర్‌తో ఈ చిత్రంపై మరింత స్పష్టత వచ్చే అవకాశం ఉందని సినీ వర్గాలు భావిస్తున్నాయి.