ఆర్‌ఆర్‌ఆర్ మూవీ నాటు నాటు పాటను ప్రపంచం అదరిoచింది - రాజమౌళి

దర్శకధీరుడు ఎస్‌.ఎస్‌. రాజమౌళి, మహేశ్ బాబు హీరోగా తెరకెక్కిస్తున్న వారణాసి చిత్రంతో మరోసారి ప్రపంచ ప్రేక్షకులను ఆకట్టుకునేందుకు సిద్ధమవుతున్నారు. ఈ సినిమా గ్లింప్స్‌ను మెక్సికోలో జరిగిన ‘కామిక్‌కాన్ ఎక్స్‌పీరియన్స్ 2026’ ఈవెంట్‌లో ప్రదర్శించారు. ఈ సందర్భంగా “వారణాసి” పేరుతో టీషర్ట్ ధరించి రాజమౌళి వీడియో సందేశం ఇచ్చి గ్లోబల్ ఆడియన్స్‌ను ఆకట్టుకున్నారు.

మాయ నాగరికతపై తనకు ఉన్న ఆసక్తిని తెలియజేసిన రాజమౌళి, బాహుబలి చిత్రంలో చిచెన్ ఇట్జా స్ఫూర్తిగా తీసుకున్నట్లు చెప్పారు. తన 25 ఏళ్ల సినీ ప్రయాణాన్ని గుర్తు చేసుకుంటూ, ఆర్‌ఆర్‌ఆర్ చిత్రానికి ప్రపంచవ్యాప్తంగా వచ్చిన ఆదరణ తనకు ఎంతో ఆనందాన్ని ఇచ్చిందన్నారు. ముఖ్యంగా నాటు నాటు పాటకు వచ్చిన స్పందన భావోద్వేగానికి గురి చేసిందన్నారు. ఈ ఈవెంట్‌కు ఎస్‌.ఎస్‌. కార్తికేయ హాజరై విశేషాలు పంచుకోగా, బీటీఎస్ వీడియో బయటకు రాకుండా చిత్రబృందం జాగ్రత్తలు తీసుకుంది.