ట్రోల్స్ నుంచి ట్రెండ్ వరకూ.. సాయి అభ్యంకర్ జోరు!

ఇండిపెండెంట్ మ్యూజిక్ ప్రపంచం నుంచి సినీ పరిశ్రమలోకి అడుగుపెట్టి ఇప్పుడు సౌత్ ఇండస్ట్రీలో మ్యూజిక్ సెన్సేషన్‌గా మారుతున్న యువ సంగీత దర్శకుడు సాయి అభ్యంకర్ మరోసారి వార్తల్లో నిలిచారు. మొదట విమర్శలు ఎదుర్కొన్న ఆయన సంగీతమే ఇప్పుడు సోషల్ మీడియాలో భారీ ట్రెండ్‌గా మారింది. ముఖ్యంగా సూర్య నటించిన ‘కరుప్పు’ చిత్రానికి ఆయన అందించిన బ్యాక్‌గ్రౌండ్ స్కోర్ రీల్స్ ప్రపంచాన్ని ఊపేస్తోంది.

సినిమా విడుదలకు ముందు విమర్శలు ఎదురైనప్పటికీ, విడుదల తర్వాత అదే మ్యూజిక్ ప్రేక్షకులను బాగా ఆకట్టుకుంది. ముఖ్యంగా ‘ఊరుమ్ బ్లడ్’ ట్రాక్ ఇన్‌స్టాగ్రామ్, యూట్యూబ్ షార్ట్స్‌లో వైరల్ అవుతోంది. వేలాది మంది క్రియేటర్లు ఈ బీజీఎంతో వీడియోలు రూపొందిస్తున్నారు.