అంచనాలు పెంచేస్తున్న రాకాస 2!

నిహారిక కొణిదెల నిర్మించిన ఫాంటసీ హారర్ కామెడీ చిత్రం రాకాస బాక్సాఫీస్ వద్ద పాజిటివ్ టాక్ సొంతం చేసుకుంది. సంగీత్ శోభన్, నయన్ సారిక ప్రధాన పాత్రల్లో నటించిన ఈ సినిమా విడుదలకు ముందే ప్రమోషన్లతో ఆకట్టుకుంది. థియేటర్లలోకి వచ్చిన తర్వాత కామెడీ ఎలిమెంట్స్ ప్రేక్షకులను బాగా అలరించడంతో మళ్లీ మళ్లీ చూడాలనే ఆసక్తి పెరుగుతోంది. ముఖ్యంగా ఈ చిత్రం బుక్ మై షోలో ట్రెండింగ్‌లో ఉండటం విశేషం. క్లైమాక్స్‌లోని సర్‌ప్రైజ్ ట్విస్ట్ ప్రేక్షకుల్లో మరింత ఆసక్తిని పెంచింది.

ఈ సినిమాతో మానస శర్మ దర్శకురాలిగా పరిచయమై మంచి గుర్తింపు పొందింది. వెన్నెల కిషోర్, గెటప్ శ్రీను, బ్రహ్మాజీ, తనికెళ్ల భరణి వంటి ప్రముఖులు కీలక పాత్రల్లో కనిపించారు. సంగీతం అనుదీప్ దేవ్ అందించగా, పింక్ ఎలిఫెంట్ పిక్చర్స్, జీ స్టూడియోస్ సంయుక్తంగా నిర్మించాయి. సినిమా చివర్లో ‘రాకాస 2’ సీక్వెల్ ప్రకటించడం అభిమానుల్లో ఉత్సాహాన్ని పెంచింది. అయితే సీక్వెల్‌కు సంబంధించిన పూర్తి వివరాలు ఇంకా వెల్లడించలేదు.