రేపు రాజా సాబ్ థియేటర్లలో ‘నేను రెడీ’ టీజర్ విడుదల

యువ హీరో హవీష్‌ ప్రధాన పాత్రలో దర్శకుడు త్రినాధరావు నక్కిన దర్శకత్వంలో తెరకెక్కుతున్న కమర్షియల్ ఎంటర్టైనర్ ‘నేను రెడీ’  సినిమా నుంచి టీజర్ అప్డేట్ విడుదలైంది. హార్నిక్స్ ఇండియా LLP బ్యానర్‌పై నిఖిలా కొనేరు నిర్మిస్తున్న ఈ చిత్రంలో కావ్య థాపర్ హీరోయిన్‌గా నటిస్తోంది. నువ్విలా, జీనియస్, రామ్ లీలా, సెవెన్ వంటి చిత్రాలతో గుర్తింపు తెచ్చుకున్న హవీష్‌ను, మాస్ ఎంటర్టైనర్‌లకు పేరొందిన త్రినాధరావు నక్కిన పూర్తి కమర్షియల్ ప్యాకేజ్‌గా ఈ సినిమాలో ఆవిష్కరిస్తున్నారు.

రేపు (జనవరి 9) రెబల్ స్టార్ ప్రభాస్ నటిస్తున్న ‘రాజా సాబ్’ థియేటర్లలో మాత్రమే ‘నేను రెడీ’ టీజర్ ప్రత్యేకంగా ప్రదర్శించనున్నారు. సంక్రాంతి బిగ్గీతో కలిసి విడుదల కావడంతో టీజర్‌కు భారీ రీచ్‌ లభించనుంది. టీజర్ పోస్టర్‌లో హవీష్‌ ఇంటెన్స్, పవర్‌ఫుల్ లుక్‌లో కనిపించగా, అతని పాత్రలో క్విర్క్‌, అటిట్యూడ్‌, భావోద్వేగాల మేళవింపు ఉంటుందని మేకర్స్ తెలిపారు. సినిమా షూటింగ్ వేగంగా కొనసాగుతుండగా, పోస్ట్ ప్రొడక్షన్ పనులు కూడా సమాంతరంగా జరుగుతున్నాయి.