నాగార్జున 100వ సినిమాకు దసరా టార్గెట్.. త్వరలో టైటిల్ ప్రకటన?

అక్కినేని నాగార్జున కెరీర్‌లో అత్యంత ప్రతిష్టాత్మకంగా తెరకెక్కుతున్న 100వ చిత్రంపై రోజురోజుకీ ఆసక్తి పెరుగుతోంది. ప్రస్తుతం ‘కింగ్ 100’, ‘లాటరీ కింగ్’ పేర్లు ప్రచారంలో ఉన్న ఈ సినిమా షూటింగ్ చివరి దశకు చేరుకున్నట్లు సమాచారం. దర్శకుడు కార్తీక్ ఈ ప్రాజెక్ట్‌ను ప్రత్యేకంగా తీర్చిదిద్దేందుకు కృషి చేస్తున్నట్లు తెలుస్తోంది.

చిత్రీకరణ దాదాపు పూర్తికావచ్చిన నేపథ్యంలో పోస్ట్ ప్రొడక్షన్ పనులు వేగంగా కొనసాగుతున్నాయి. సంగీత విభాగంపై ప్రత్యేక దృష్టి పెట్టిన మేకర్స్ వచ్చే నెలలో తొలి పాటను విడుదల చేసే అవకాశాలు ఉన్నాయని సినీ వర్గాలు చెబుతున్నాయి. టబు కీలక పాత్రలో నటిస్తున్న ఈ చిత్రంలో యాక్షన్, భావోద్వేగాలు, కుటుంబ కథాంశాలు ప్రధాన ఆకర్షణలుగా నిలవనున్నాయి. దసరా సీజన్‌లో విడుదలకు ప్రణాళికలు సిద్ధం చేస్తున్నట్లు ప్రచారం జరుగుతున్నప్పటికీ, టైటిల్, విడుదల తేదీ, నాగార్జున లుక్‌పై అధికారిక ప్రకటన ఇంకా రావాల్సి ఉంది.