ఈసారి అఖిల్ తప్పక హిట్ కొడతాడు - నాగవంశీ

'ఏజెంట్' తర్వాత అక్కినేని అఖిల్ ఎంతో గ్యాప్ తీసుకుని 'లెనిన్' సినిమాతో ప్రేక్షకుల ముందుకు రాబోతున్నారు. మురళీ కిషోర్ అబ్బూరు దర్శకత్వంలో తెరకెక్కిన ఈ రూరల్ యాక్షన్ డ్రామాలో భాగ్యశ్రీ బోర్సే హీరోయిన్‌గా నటించారు. శివాజీ, రాంకీ, సునీల్, బ్రహ్మాజీ, ఈశ్వరీ, గెటప్ శ్రీను, సుదర్శన్ కీలక పాత్రల్లో కనిపించనున్నారు. నాగవంశీ నిర్మించిన ఈ చిత్రం జూలై 10న థియేటర్లలో విడుదల కానుంది.

ప్రీ రిలీజ్ ఈవెంట్‌లో నిర్మాత నాగవంశీ మాట్లాడుతూ అఖిల్ వ్యక్తిత్వంపై ఆసక్తికర వ్యాఖ్యలు చేశారు. బయట కనిపించేంత అహంకారం ఆయనలో లేదని, చాలా వినయంగా ఉంటారని చెప్పారు. అలాగే 'లెనిన్' ఇంటర్వెల్, చివరి 40 నిమిషాలు ప్రేక్షకులను ఆశ్చర్యానికి గురి చేస్తాయని, సినిమా మొత్తం అనూహ్య ట్విస్టులతో సాగుతుందని వెల్లడించారు. ఈసారి అఖిల్ అభిమానులను అస్సలు నిరాశపరచడని, ఈ చిత్రం ఆయనకు భారీ కంబ్యాక్ హిట్ అవుతుందని ధీమా వ్యక్తం చేశారు.