గాసిప్స్
నారి నారి నడుమ మురారి కొత్త కాన్ఫ్లిక్ట్తో ఫుల్ ఫన్ అందించే పర్ఫెక్ట్ ఫ్యామిలీ ఎంటర్టైనర్ అని దర్శకుడు రామ్ అబ్బరాజు తెలిపారు. చార్మింగ్ స్టార్ శర్వానంద్ ప్రధాన పాత్రలో నటించిన ఈ చిత్రాన్ని ఏకే ఎంటర్టైన్మెంట్స్ బ్యానర్పై అనిల్ సుంకర, రామబ్రహ్మం సుంకర నిర్మించారు. సంయుక్త, సాక్షి వైద్య కథానాయికలుగా నటించగా, ఇప్పటికే విడుదలైన ప్రమోషనల్ కంటెంట్ మంచి బజ్ క్రియేట్ చేసింది. ఈ చిత్రం జనవరి 14 న థియేటర్లలో విడుదల కానుంది.
విలేకరుల సమావేశంలో మాట్లాడుతూ, ఈ సినిమా సహజంగానే పండగ వాతావరణం కలిగిన కథతో రూపొందిందన్నారు. శర్వానంద్ బైకర్ సినిమా వాయిదా పడటంతో సంక్రాంతి రిలీజ్ అవకాశం వచ్చిందని చెప్పారు. యూత్ఫుల్ ఫన్తో పాటు క్లీన్ ఫ్యామిలీ ఎంటర్టైన్మెంట్ను అందించడం తనకు ఇష్టమని, వివాహ భోజనంబు, సామజవరగమన తరహాలో ఈ సినిమా కూడా అందరూ కలిసి చూసేలా ఉంటుందని తెలిపారు.
ఇద్దరు హీరోయిన్లు ఉండటంతో ఇది సాధారణ ట్రయాంగిల్ లవ్ స్టోరీ అనిపించినా, ఇందులో పూర్తిగా కొత్త కాన్సెప్ట్ ఉందని రామ్ అబ్బరాజు వెల్లడించారు. అసలు కాన్ఫ్లిక్ట్ ఇంటర్వెల్ వద్ద రివీల్ అవుతుందని, అది బిగ్ స్క్రీన్పై అనుభవించాల్సిందేనన్నారు. శర్వానంద్ లుక్, నరేష్ పాత్ర, సత్య, సుదర్శన్, వెన్నెల కిషోర్ కామెడీతో పాటు సెకండ్ హాఫ్లో బలమైన ఎమోషన్ సినిమా హైలైట్గా నిలుస్తాయని చెప్పారు. సంక్రాంతి అడ్వాంటేజ్తో పాటు పాజిటివ్ మౌత్ టాక్ సినిమాను ముందుకు తీసుకెళ్తుందనే నమ్మకం వ్యక్తం చేశారు.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!