ఐశ్వర్యపై ట్రోలింగ్‌కు కంగనా ఫైర్.. సోషల్ మీడియాలో వైరల్ కామెంట్స్!

ప్రపంచ ప్రఖ్యాత కేన్స్ ఫిల్మ్ ఫెస్టివల్‌లో బాలీవుడ్ నటి ఐశ్వర్యారాయ్ లుక్‌పై సోషల్ మీడియాలో వస్తున్న విమర్శల మధ్య హీరోయిన్ కంగనా రనౌత్ ఆమెకు బహిరంగ మద్దతు తెలపడం ఇప్పుడు హాట్ టాపిక్‌గా మారింది. ఐశ్వర్య ధరించిన డ్రెస్, స్టైల్‌పై వస్తున్న నెగిటివ్ కామెంట్స్‌ను కంగనా తీవ్రంగా ఖండించారు. ఫ్యాషన్ అనేది పూర్తిగా వ్యక్తిగత అభిరుచి అని, ఎవరి స్టైల్ గురించి వారే నిర్ణయం తీసుకుంటారని ఆమె పేర్కొన్నారు. ఇతరుల రూపం, దుస్తులపై సోషల్ మీడియాలో విమర్శలు చేయడం సరైంది కాదని స్పష్టం చేశారు.

అంతేకాదు, రెడ్ కార్పెట్‌పై కేవలం యువ నటీమణులనే చూడాలనుకోవడం తప్పు ఆలోచన అని కంగనా అభిప్రాయపడ్డారు. వయస్సుతో అందం తగ్గిపోదని, ప్రతి మహిళకు తనకంటూ ప్రత్యేకమైన వ్యక్తిత్వం ఉంటుందని చెప్పారు. ముందుగా మీ వ్యక్తిత్వాన్ని ప్రపంచానికి చూపించండి.. తర్వాత ఇతరుల ఫ్యాషన్‌పై కామెంట్లు చేయండి అంటూ ట్రోల్స్‌కు స్ట్రాంగ్ కౌంటర్ ఇచ్చారు. ప్రస్తుతం కంగనా వ్యాఖ్యలు సోషల్ మీడియాలో వైరల్ అవుతుండగా, పలువురు నెటిజన్లు కూడా ఆమె అభిప్రాయాలకు మద్దతు తెలుపుతున్నారు.