ధురంధర్ 2 బాక్సాఫీస్ వద్ద రికార్డుల వర్షం

ధురంధర్ 2 సినిమా బాక్సాఫీస్ వద్ద భారీ విజయాన్ని సాధిస్తోంది. ఆదిత్య ధర్ దర్శకత్వంలో, రణవీర్ సింగ్ హీరోగా నటించిన ఈ సినిమా విడుదలైన నాలుగు రోజుల్లోనే భారీ వసూళ్లు సాధించింది. ప్రపంచవ్యాప్తంగా రూ.750 కోట్ల వరకు కలెక్షన్లు రాబట్టింది. పెయిడ్ ప్రివ్యూలతోనే రూ.43 కోట్లు వచ్చాయి. ఆదివారం ఒక్కరోజే రూ.115 కోట్లు వసూలు చేసి రికార్డు సృష్టించింది.

ఈ సినిమా పఠాన్ ఓపెనింగ్ వీకెండ్ రికార్డును దాటేసింది. విదేశాల్లో కూడా రూ.180 కోట్ల వసూళ్లతో మంచి స్పందన లభిస్తోంది. అలాగే బాహుబలి 2, ఆర్ ఆర్ ఆర్, కల్కి 2898 AD సినిమాల రికార్డులను కూడా ఈ చిత్రం అధిగమించింది. ప్రస్తుతం పుష్ప 2 మాత్రమే ముందుంది. ట్రేడ్ వర్గాల అంచనా ప్రకారం ఈ సినిమా త్వరలోనే రూ.1000 కోట్ల క్లబ్‌లో చేరి, తర్వాత రూ.2000 కోట్ల మార్క్‌ను కూడా దాటే అవకాశం ఉంది.