‘డిసి’ హీరోయిన్ విషయంలో నిర్మాతపై విమర్శలు.. ఫ్యాన్స్ డిమాండ్ ఇదే!

తక్కువ బడ్జెట్‌తో రూపొందిన తమిళ చిత్రం ‘డిసి’ బాక్సాఫీస్ వద్ద దాదాపు రూ.100 కోట్ల వసూళ్లతో సత్తా చాటినట్లు సమాచారం. సినిమా విజయంతో చిత్ర బృందంలో కీలకంగా పనిచేసిన వారికి సన్ పిక్చర్స్ అధినేత కళానిధి మారన్ నుంచి ప్రత్యేక బహుమతులు అందినట్లు వార్తలు వస్తున్నాయి.

దర్శకుడు అరుణ్ మాథేశ్వరన్, నటుడు లోకేష్ కనకరాజ్, సంగీత దర్శకుడు అనిరుధ్‌లకు బ్రాండ్ న్యూ బీఎమ్‌డబ్ల్యూ కార్లను గిఫ్ట్‌గా ఇచ్చినట్లు తెలుస్తోంది. అయితే సినిమాలో కీలకమైన పాత్రలో నటించిన వామిక గబ్బికి ఇలాంటి బహుమతి ఇవ్వకపోవడంపై సోషల్ మీడియాలో చర్చ జరుగుతోంది. సవాల్‌తో కూడిన పాత్రలో వామిక తన నటనతో ఆకట్టుకున్నారని అభిమానులు అభిప్రాయపడుతున్నారు. సినిమా విజయానికి ఆమె చేసిన కృషిని కూడా గుర్తించి తగిన గిఫ్ట్ ఇవ్వాలని కొందరు ‘డిసి’ అభిమానులు సన్ పిక్చర్స్‌ను కోరుతున్నారు.