దర్శకుల మార్పులతో రజనీకాంత్ ... 173 వ చిత్రంలో గందరగోళం

సూపర్ స్టార్ రజనీకాంత్ 173 వ చిత్రం విషయంలో ఇంకా స్పష్టత రాకపోవడంతో అనిశ్చితి కొనసాగుతోంది. ప్రస్తుతం నెల్సన్ దిలీప్‌కుమార్ దర్శకత్వంలో తెరకెక్కిన జైలర్ 2 సినిమా పూర్తై విడుదలకు సిద్ధంగా ఉంది.

దీని తర్వాత కమల్ హాసన్ నిర్మాణంలో రజనీకాంత్ నటించాల్సిన చిత్రం ఉండాల్సి ఉంది. మొదట ఈ ప్రాజెక్ట్‌కు దర్శకుడిగా సుందర్ సి ఎంపికయ్యారు. ప్రారంభ కార్యక్రమాలు కూడా నిర్వహించారు. అయితే కథ పై అసంతృప్తితో ఆయన ఈ ప్రాజెక్ట్ నుంచి తప్పుకున్నట్లు సమాచారం. తరువాత డాన్ చిత్రం దర్శకుడు సిబి చక్రవర్తి ఈ సినిమాను తెరకెక్కిస్తారని వార్తలు వచ్చాయి. కథ కూడా నచ్చినట్లు ప్రచారం జరిగింది. కానీ తాజా సమాచారం ప్రకారం ఆయన కూడా ఈ ప్రాజెక్ట్ నుంచి తప్పుకున్నారని సోషల్ మీడియాలో వార్తలు వస్తున్నాయి.

ఇప్పుడు ఈ చిత్రానికి డ్రాగన్ చిత్రం దర్శకుడు అశ్వత్ మారిముత్తు దర్శకత్వం వహించే అవకాశముందని ప్రచారం జరుగుతోంది. అయితే దీనిపై అధికారిక ప్రకటన రావాల్సి ఉంది.