సూపర్ స్టార్ 173 మూవీ కి డైరెక్టర్ ఖరారు...

భారతీయ సినీ చరిత్రలో కీలక ఘట్టంగా రాజ్‌కమల్ ఫిలిమ్స్ ఇంటర్నేషనల్ సంస్థ తలైవర్173 చిత్రానికి దర్శకుడిగా సిబి చక్రవర్తిని అధికారికంగా ప్రకటించింది. ఈ చిత్రంలో సూపర్ స్టార్ రజినీకాంత్ ప్రధాన పాత్రలో నటిస్తుండగా, దిగ్గజ నటుడు కమల్ హాసన్ నిర్మాతగా వ్యవహరిస్తున్నారు. రజినీకాంత్–కమల్ హాసన్ కలయికలో రూపొందుతున్న ఈ ప్రాజెక్ట్‌పై అభిమానుల్లో భారీ అంచనాలు నెలకొన్నాయి. సినిమా భారీ స్థాయిలో, వైభవంగా తెరకెక్కనుంది.

ఈ చిత్రానికి సంగీతాన్ని రాక్‌స్టార్ అనిరుధ్ రవిచందర్ అందించనుండటం మరో ప్రధాన ఆకర్షణ. షూటింగ్ త్వరలో ప్రారంభం కానుండగా, మిగతా నటీనటులు మరియు సాంకేతిక బృందం వివరాలను త్వరలో వెల్లడించనున్నట్లు నిర్మాతలు తెలిపారు. అభిమానులకు పండుగ విందుగా పొంగల్ 2027 సందర్భంగా ప్రపంచవ్యాప్తంగా ఈ చిత్రం థియేటర్లలో విడుదల కానుంది.