మద్రాస్ హైకోర్టులో విజయ్ దళపతి సినిమాకు బిగ్ రిలీఫ్!

విజయ్ దళపతి నటించిన జన నాయగన్ సినిమాకు మద్రాస్ హైకోర్టులో భారీ ఊరట లభించింది. సినిమా సెన్సార్ విషయంలో కీలక ఆదేశాలు జారీ చేసిన సింగిల్ బెంచ్, ముందుగా ఇవ్వాలని నిర్ణయించిన U/A సర్టిఫికేట్‌ను వెంటనే జారీ చేయాలని సీబీఎఫ్‌సీకి ఆదేశించింది. ఇప్పటికే U/A సర్టిఫికేట్ ఇవ్వాలని నిర్ణయించినప్పటికీ, సినిమాను మళ్లీ రివ్యూ కమిటీకి ఎందుకు పంపారని కోర్టు ప్రశ్నించింది.

అయితే సినిమా విడుదలపై మరో ట్విస్ట్ ఎదురైంది. సింగిల్ బెంచ్ తీర్పును సవాల్ చేస్తూ సెన్సార్ బోర్డు మద్రాస్ హైకోర్టు ధర్మాసనం ముందు అప్పీల్‌కు వెళ్లింది. ఈ అప్పీల్‌పై మధ్యాహ్నం 2:15 గంటలకు విచారణ జరగనుండగా, అంతవరకు జన నాయగన్ సెన్సార్ అంశం మరోసారి చర్చనీయాంశంగా మారింది.