ఆయా షేర్ పాటకు భారీ విజయం..

నాని హీరోగా నటిస్తున్న తాజా చిత్రం ది ప్యారడైస్, దసరా (2023) తర్వాత నాని–శ్రీకాంత్ ఓదెల కాంబినేషన్‌లో వస్తున్న ప్రాజెక్ట్‌గా భారీ అంచనాలు రేపుతోంది. ఈ చిత్రాన్ని దసరా నిర్మాత సుధాకర్ చెరుకూరి నిర్మిస్తున్నారు. కయాదు లోహర్ హీరోయిన్‌గా నటిస్తుండగా, మోహన్ బాబు, రాఘవ్ జుయల్, సంపూర్ణేష్ బాబు కీలక పాత్రల్లో కనిపించనున్నారు. అనిరుధ్ రవిచందర్ సంగీతం అందిస్తున్నారు.

ఈ చిత్రంలోని ఇంట్రో సాంగ్ “ఆయా షేర్…” భారీ విజయం సాధించినట్లు చిత్రబృందం తెలిపింది. తెలుగు వెర్షన్‌లోనే 150+ మిలియన్ల వ్యూస్, 1.6 మిలియన్లకు పైగా లైక్స్ సాధించింది. కాసర్ల శ్యామ్ రచించిన ఈ పాటకు సుధన్ మాస్టర్ కొరియోగ్రఫీ చేశారు. సోషల్ మీడియా, కాలేజ్ ఫెస్ట్స్, పబ్లిక్ ఈవెంట్స్‌లో ఈ పాట కల్చరల్ ఫినామినన్‌గా మారిందని మేకర్స్ తెలిపారు. ఈ చిత్రం ఆగస్టు 21న బహుభాషల్లో విడుదల కానుంది.