అల్లు అర్జున్ లగ్జరీ వాచ్ వైరల్..

టాలీవుడ్ స్టార్ అల్లు అర్జున్ మరోసారి సోషల్ మీడియాలో హాట్ టాపిక్‌గా మారారు. ఇటీవల ఆర్సీబీ క్రికెటర్ వెంకటేష్ అయ్యర్‌ను కలిసిన సందర్భంగా తీసుకున్న ఫొటోలు వైరల్ అయ్యాయి. ఈ ఫొటోల్లో అల్లు అర్జున్ చేతికి కనిపించిన ఖరీదైన వాచ్ ఇప్పుడు అందరి దృష్టిని ఆకర్షిస్తోంది. ఆయన ధరించిన ‘పాటెక్ ఫిలిప్ నాటిలస్ మూన్‌ఫేస్ రోజ్ గోల్డ్’ వాచ్ ధర సుమారు రూ.2.75 కోట్లు ఉంటుందని సమాచారం. 18 క్యారెట్ల రోజ్ గోల్డ్‌తో రూపొందించిన ఈ లగ్జరీ వాచ్ ప్రస్తుతం సోషల్ మీడియాలో పెద్ద చర్చకు దారితీసింది.

ఈ వాచ్ ధరపై నెటిజన్లు భిన్నంగా స్పందిస్తున్నారు. కొందరు “ఇది బన్నీ రేంజ్” అంటూ అభిమానాన్ని వ్యక్తం చేస్తుండగా, మరికొందరు “ఇంత డబ్బుతో హైదరాబాద్‌లో లగ్జరీ ప్లాట్ కొనొచ్చు” అంటూ కామెంట్లు చేస్తున్నారు. అల్లు అర్జున్ వద్ద కార్టియర్, బ్రైట్లింగ్ వంటి అంతర్జాతీయ బ్రాండ్ల లగ్జరీ వాచ్‌లు కూడా ఉన్నట్లు సమాచారం. మరోవైపు, అట్లీ దర్శకత్వంలో తెరకెక్కుతున్న ‘రాకా’ సినిమాతో బన్నీ బిజీగా ఉన్నారు. ముంబైలో జరగనున్న తదుపరి షెడ్యూల్‌లో దీపికా పదుకొణె కూడా పాల్గొననున్నట్లు టాక్ వినిపిస్తోంది.