ఆలియా ఓపెన్ టాక్.. సక్సెస్ వెనుక నిజం!

బాలీవుడ్‌లో అత్యంత ప్రతిభావంతమైన, సక్సెస్‌ఫుల్ హీరోయిన్లలో ఒకరిగా ఆలియా భట్ ప్రత్యేకమైన గుర్తింపు సంపాదించింది. దర్శక ధీరుడు రాజమౌళి తెరకెక్కించిన ‘ఆర్ఆర్ఆర్’ చిత్రంతో తెలుగు సినీ పరిశ్రమలోకి అడుగుపెట్టిన ఆమె, ఆ సినిమాలో నటనకు గాను ఫిల్మ్‌ఫేర్ క్రిటిక్స్ అవార్డును అందుకుంది. తాజాగా ఓ పాడ్‌కాస్ట్‌లో పాల్గొన్న ఆలియా, తన సక్సెస్ వెనుక ఉన్న కారణాలను వివరించింది.

తాను ‘డైరెక్టర్ నటిని’ అని చెప్పుకున్న ఆలియా, నటనలో ప్రత్యేకమైన పద్ధతులు అనుసరించనని తెలిపింది. ప్రతి పాత్రలో దర్శకుడి దృష్టికోణాన్ని అనుసరించడం తన శైలిగా పేర్కొంది. ఇంతియాజ్ అలీ, అభిషేక్ చౌబే, సంజయ్ లీలా భన్సాలీ, రాజమౌళి, వాసన్ బాల, కరణ్ జోహార్, శివ్ రావైల్, గౌరీ షిండే వంటి దర్శకులు తన నటనపై గొప్ప ప్రభావం చూపారని వెల్లడించింది. పాత్రలపై జరిగే చర్చల ద్వారా తాను ఎంతో నేర్చుకున్నానని తెలిపింది.