మూడో పెళ్లి సింపుల్‌గా చేసుకుంటాం: ఆమిర్‌ ఖాన్‌

బాలీవుడ్ స్టార్ హీరో ఆమిర్ ఖాన్ తన ప్రియురాలు గౌరీ స్ప్రాట్‌తో మూడో పెళ్లికి సిద్ధమయ్యారు. గత కొద్ది రోజులుగా వీరి వివాహంపై వస్తున్న వార్తలకు స్పందించిన ఆమిర్, జులై 5న పెళ్లి జరగనున్నట్లు ధృవీకరించారు. ప్రస్తుతం అమెరికాలో ఉన్న ఆయన, భారత్‌కు తిరిగి వచ్చిన తర్వాత వివాహ వేడుక నిర్వహించనున్నట్లు తెలిపారు.

ఈ పెళ్లి అతి కొద్దిమంది కుటుంబ సభ్యులు, అత్యంత సన్నిహితుల సమక్షంలో సాదాసీదాగా జరుగుతుందని ఆమిర్ ఖాన్ వెల్లడించారు. రిజిస్టర్ మ్యారేజ్ రూపంలో వివాహం చేసుకోవాలని తాము నిర్ణయించుకున్నామని చెప్పారు. గత ఏడాది తన 60వ పుట్టినరోజు సందర్భంగా గౌరీ స్ప్రాట్‌తో ఉన్న సంబంధాన్ని ఆమిర్ అధికారికంగా ప్రకటించారు. అప్పటి నుంచి వీరి ప్రేమకథపై అభిమానుల్లో ఆసక్తి నెలకొంది.