గ్రీన్ టీ ప్రయోజనాలపై హార్వర్డ్ వైద్యుడి వివరణ!

సౌరభ్ సెతి అనే గ్యాస్ట్రోఎంటరాలజిస్ట్‌ రోజూ రెండు వారాల పాటు గ్రీన్ టీ తాగితే శరీరంపై కలిగే ప్రభావాల గురించి వివరించారు. AIIMS, హార్వర్డ్, స్టాన్‌ఫర్డ్‌లో శిక్షణ పొందిన ఆయన ప్రకారం గ్రీన్ టీలో ఉండే కాటెకిన్స్‌, ముఖ్యంగా EGCG అనే యాంటీ ఆక్సిడెంట్లు కాలేయ ఆరోగ్యానికి మేలు చేయడంలో సహాయపడతాయి. ఇవి కాలేయంలో ఇన్‌ఫ్లమేషన్ తగ్గించడంలో, మెటాబాలిజం మెరుగుపరచడంలో దోహదపడవచ్చని తెలిపారు. అయితే గ్రీన్ టీని ‘మ్యాజిక్ డిటాక్స్ డ్రింక్’గా భావించకూడదని స్పష్టం చేశారు.

గ్రీన్ టీ మెటాబాలిజం, ఇన్సులిన్ సెన్సిటివిటీ మెరుగుపరచడంలో కూడా సహాయపడవచ్చని డాక్టర్ సౌరభ్ సెతి తెలిపారు. కాఫీతో పోలిస్తే తక్కువ కాఫిన్ ఉండటంతో పాటు ఎల్-థియానిన్ అనే పదార్థం ఉండటం వల్ల ప్రశాంతమైన ఫోకస్, మృదువైన ఎనర్జీ బూస్ట్ లభిస్తుందని చెప్పారు. రోజుకు ఒకటి నుంచి మూడు కప్పుల గ్రీన్ టీ తీసుకోవచ్చని సూచించిన ఆయన, అధిక మోతాదులో గ్రీన్ టీ ఎక్స్‌ట్రాక్ట్ సప్లిమెంట్స్ వాడకాన్ని మాత్రం నివారించాలని హెచ్చరించారు.