ఆసక్తి రేపుతున్న బాలకృష్ణ కొత్త మూవీ టైటిల్

నందమూరి బాలకృష్ణ తన తదుపరి చిత్రాన్ని దర్శకుడు కొరటాల శివతో కలిసి చేయనున్నట్లు సమాచారం. ఈ ప్రాజెక్టుకు ‘కార్పెంటర్’ అనే టైటిల్ ఖరారు చేసినట్టు తెలుస్తోంది. ఈ నెల 21న ఈ సినిమాను అధికారికంగా ప్రారంభించనున్నారు. బాలకృష్ణ ఈ చిత్రంలో కార్పెంటర్ పాత్రలో కనిపించనున్నారని టాక్ వినిపిస్తోంది.

గతంలో చిరంజీవి నటించిన ‘ఆచార్య’లో కూడా ఇలాంటి పాత్ర కనిపించినప్పటికీ, ఈసారి బాలయ్య కోసం కొరటాల శివ కొత్తగా శక్తివంతమైన కథ సిద్ధం చేసినట్లు సమాచారం. ప్రస్తుతం బాలకృష్ణ మరో చిత్రం చేస్తున్నప్పటికీ, ఈ కొత్త ప్రాజెక్టుపై అభిమానుల్లో భారీ ఆసక్తి నెలకొంది.