శ్రీలీల–శివకార్తికేయన్ మరోసారి జోడీనా? కొత్త ప్రాజెక్ట్‌పై సెన్సేషన్ టాక్!

యంగ్ బ్యూటీ శ్రీలీల వరుసగా సినిమాలు చేస్తూనే ఉన్నా, ఆశించిన స్థాయి విజయాలు మాత్రం అంతగా అందుకోవడం లేదు. ప్రస్తుతం ఆమె శివకార్తికేయన్ సరసన నటిస్తున్న ‘పరాశక్తి’ చిత్రంతో కోలీవుడ్‌లో అడుగు పెడుతోంది. సుధా కొంగర దర్శకత్వం వహిస్తున్న ఈ సినిమా సంక్రాంతికి విడుదల కానుంది.

అయితే, ఈ చిత్రం రిలీజ్‌కు ముందే శ్రీలీల మరో క్రేజీ ప్రాజెక్ట్‌కు సైన్ చేసినట్లు సమాచారం. తన తదుపరి సినిమాలో కూడా ఆమె శివకార్తికేయన్‌తో మరోసారి జోడీ కట్టనుందనే టాక్ వినిపిస్తోంది. దీంతో ఈ స్టార్ జోడీని మరోసారి తెరపై చూసేందుకు ఫ్యాన్స్ ఆసక్తిగా ఎదురుచూస్తున్నారు.

సిబి చక్రవర్తి దర్శకత్వంలో రూపొందనున్న ఈ కొత్త సినిమా షూటింగ్ డిసెంబర్ 10న ప్రారంభం కానుందని చెబుతున్నారు. గతంలో సిబి చక్రవర్తి–శివకార్తికేయన్ కాంబినేషన్‌లో వచ్చిన ‘డాన్’ బ్లాక్‌బస్టర్ హిట్ కావడంతో, ఈ కొత్త కాంబోపై భారీ అంచనాలు ఉన్నాయి.

అయితే ఈ సినిమాలో శ్రీలీల హీరోయిన్‌గా ఫిక్స్ అయ్యిందా? అనే విషయంలో మేకర్స్ నుంచి ఇంకా అధికారిక క్లారిటీ రావాల్సి ఉంది.