ఆ సీక్వెన్స్ కోసం ‘రౌడీ జనార్దన’ మళ్లీ రెడీ!

విజయ్ దేవరకొండ హీరోగా రవి కిరణ్‌ కోలా దర్శకత్వంలో తెరకెక్కుతున్న సినిమా ‘రౌడీ జనార్దన’. ఈ చిత్రంలోని ఇంటర్వెల్ సీక్వెన్స్ విషయంలో మేకర్స్ ఎక్కడా రాజీ పడటం లేదని తెలుస్తోంది. ఇప్పటికే ఆ సన్నివేశానికి సంబంధించిన చిత్రీకరణ పూర్తయినప్పటికీ, అనుకున్న స్థాయిలో ఫలితం రావాలనే ఉద్దేశంతో మరోసారి ప్యాచ్ వర్క్ చేయాలని దర్శకుడు నిర్ణయించినట్లు సమాచారం.

ఇంటర్వెల్ సీక్వెన్స్‌ను మరింత భారీగా తెరకెక్కించేందుకు రీషూట్ చేయనున్నారట. భారీ బడ్జెట్‌తో రూపొందుతున్న ఈ సినిమాలో విజయ్ దేవరకొండ పూర్తి స్థాయి యాక్షన్ పాత్రలో కనిపించనున్నట్లు తెలుస్తోంది. దిల్‌రాజు నిర్మిస్తున్న ఈ చిత్రంలో సీనియర్‌ హీరో రాజశేఖర్‌ కీలక పాత్రలో నటిస్తున్నారు. ఆయన పాత్ర, లుక్ ఇప్పటివరకు చూడని విధంగా ఉంటాయని ప్రచారం జరుగుతోంది. గ్రామీణ నేపథ్యంలో సాగే ఈ సినిమాలో విజయ్‌కు జోడీగా కీర్తి సురేశ్‌ నటిస్తోంది. దీంతో ఈ సినిమాపై అంచనాలు మరింత పెరిగాయి.