రష్మిక మందన్నా- విజయ్ దేవరకొండ పెళ్లికి భారీ ఏర్పాట్లు... వీడియో లీక్, పెళ్లి ఎప్పుడంటే?

కొత్త సంవత్సరంతో సినీ పరిశ్రమలో పెళ్లి సందడి మొదలైంది. ఈ క్రమంలో టాలీవుడ్‌లో ఎక్కువగా వినిపిస్తున్న పేర్లు విజయ్ దేవరకొండ, రష్మిక మందన్న. గత కొన్ని సంవత్సరాలుగా వీరిద్దరూ సీక్రెట్‌గా డేటింగ్‌లో ఉన్నారనే వార్తలు వినిపిస్తున్నాయి. గతేడాది నిశ్చితార్థం కూడా జరిగిందన్న ప్రచారం జరిగినా, దీనిపై ఈ జంట ఇప్పటివరకు అధికారికంగా స్పందించలేదు. అయితే తాజాగా వీరి పెళ్లికి సంబంధించిన ఓ వీడియో సోషల్ మీడియాలో వైరల్ కావడంతో వార్తలు మరింత ఊపందుకున్నాయి.

‘గీత గోవిందం’ సినిమా సమయంలో విజయ్, రష్మికల మధ్య స్నేహం మొదలై ప్రేమగా మారిందని అభిమానులు భావిస్తున్నారు. ఆ తర్వాత వీరిద్దరూ కలిసి ప్రయాణాలు చేయడం, ఒకేలా కనిపించే ఫోటోలు షేర్ చేయడం వల్ల డేటింగ్ వార్తలకు బలం చేకూరింది. ఒక ఇంటర్వ్యూలో రష్మిక మాట్లాడుతూ పెళ్లి విషయాన్ని ధృవీకరించలేనని, సరైన సమయం వచ్చినప్పుడు తప్పకుండా చెబుతానని చెప్పింది. పలు ఈవెంట్లలో ఒకరిపై ఒకరు అభిమానాన్ని వ్యక్తం చేయడం కూడా చర్చకు దారితీసింది.

ఇక తాజా గాసిప్ ప్రకారం, విజయ్ – రష్మికల పెళ్లి రాజస్థాన్‌లోని ఉదయ్‌పూర్ ప్యాలెస్‌లో జరగనుందని ప్రచారం జరుగుతోంది. ఈ నెల 26 న పెళ్లి ఉంటుందని కొందరు చెబుతుండగా, ఈ రోజు(ఫిబ్రవరి 2న) జరిగే అవకాశం ఉందంటూ మరో వాదన వినిపిస్తోంది. ప్యాలెస్‌లో భారీ ఏర్పాట్లు జరుగుతున్నాయని చూపించే వీడియో వైరల్ కావడంతో అనుమానాలు మరింత పెరిగాయి. అయితే అసలు నిజం ఏంటన్నది అధికారిక ప్రకటన వచ్చే వరకు వేచి చూడాల్సిందే.