‘టాక్సిక్’కు మళ్లీ బ్రేక్?

‘కేజీఎఫ్’ తర్వాత యశ్ నటిస్తున్న భారీ చిత్రం ‘టాక్సిక్’పై అభిమానుల్లో భారీ అంచనాలు నెలకొన్నాయి. దర్శకురాలు గీతూ మోహన్‌దాస్ తెరకెక్కిస్తున్న ఈ స్టైలిష్ యాక్షన్‌ చిత్రం విడుదల మరోసారి వాయిదా పడే అవకాశాలు ఉన్నట్లు సినీ వర్గాల్లో ప్రచారం జరుగుతోంది. వరుసగా విడుదల తేదీలు మారుతుండటంతో అభిమానులు నిరాశ వ్యక్తం చేస్తున్నారు.

ఓటీటీ హక్కుల వ్యాపారం ఆశించిన స్థాయిలో ముందుకు సాగకపోవడం వల్ల విడుదల ఆలస్యం అవుతోందని సమాచారం. ఇప్పటికే విడుదలైన ప్రచార చిత్రాలు పెద్ద స్థాయిలో స్పందన తెచ్చుకోకపోవడంతో, ఇప్పుడు కొత్త ప్రచార వ్యూహంపై చిత్రబృందం దృష్టి పెట్టినట్లు తెలుస్తోంది. శక్తివంతమైన ట్రైలర్‌తో సినిమాపై మళ్లీ భారీ స్థాయిలో ఆసక్తి పెంచాలని మేకర్స్ భావిస్తున్నట్లు సినీ వర్గాలు చెబుతున్నాయి.