శ్రీలంక ప్రజలకు షాక్.. మళ్లీ పెరిగిన పెట్రోల్, డీజిల్ ధరలు

శ్రీలంకలో ఇంధన ధరలు మరోసారి భారీగా పెరిగాయి. తాజా సవరణల ప్రకారం లీటర్ పెట్రోల్ ధర సుమారు రూ.434కు చేరుకోగా, డీజిల్ ధర లీటర్‌కు రూ.407గా నిర్ణయించారు. ఈ పెంపు ఇప్పటికే పెరుగుతున్న జీవన వ్యయాలతో ఇబ్బందులు ఎదుర్కొంటున్న ప్రజలు, వ్యాపార వర్గాలపై అదనపు భారం మోపుతోంది.

ఆర్థిక వ్యవస్థను గాడిలో పెట్టేందుకు శ్రీలంక ప్రభుత్వం చేపడుతున్న సంస్కరణల నేపథ్యంలో ఈ ధరల పెంపు చోటుచేసుకుంది. 2022లో తీవ్ర ఆర్థిక సంక్షోభాన్ని ఎదుర్కొన్న శ్రీలంక, 2023లో అంతర్జాతీయ ద్రవ్య నిధి (ఐఎంఎఫ్) నుంచి 2.9 బిలియన్ డాలర్ల ఆర్థిక సహాయ ప్యాకేజీని పొందింది. ఆర్థిక స్థిరత్వం, ప్రభుత్వ ఆర్థిక వ్యవస్థ బలోపేతం మరియు దీర్ఘకాలిక పునరుద్ధరణ కోసం ఈ చర్యలు అవసరమని అధికారులు చెబుతున్నారు.