దువా బర్త్‌డే స్పెషల్.. బేబీ బంప్‌తో దీపికా పదుకొణె సందడి

దీపికా పదుకొణె, రణ్‌వీర్ సింగ్ దంపతులు తమ కుమార్తె దువా రెండో పుట్టినరోజును ప్రత్యేకంగా జరుపుకున్నారు. ఈ సందర్భంగా బ్లాక్ అండ్ వైట్ ఫొటోలను సోషల్ మీడియాలో షేర్ చేశారు. ఓ ఫొటోలో రణ్‌వీర్.. దీపికా బేబీ బంప్‌ను ప్రేమగా పట్టుకుని ఉండగా, ఇద్దరూ చిరునవ్వులు చిందిస్తూ కనిపించారు. దీపికా పెరుగుతున్న బేబీ బంప్ ఫొటోల్లో స్పష్టంగా కనిపించింది.

మరో ఫొటోలో దువా తన తల్లిదండ్రుల మధ్య నిల్చొని ఉండగా, దీపికా, రణ్‌వీర్ ఆమెకు ఇరువైపులా కూర్చొని పోజులిచ్చారు. దువాను సాధారణంగా మీడియా, సోషల్ మీడియాకు దూరంగా ఉంచే ఈ జంట.. ఆమెతో కలిసి ఉన్న అరుదైన కుటుంబ ఫొటోలను పంచుకోవడంతో అభిమానుల్లో ఆసక్తి నెలకొంది. “బేబీ దువా.. మా హృదయాలు మరింత పెద్దవవుతున్నాయి. మీ ఆశీర్వాదాలకు ధన్యవాదాలు” అంటూ రణ్‌వీర్ పేర్కొన్నారు.