జనగామలో విద్యుత్ అభివృద్ధి పనులకు భట్టి విక్రమార్క శ్రీకారం

జనగామ జిల్లా ఘనపూర్ (స్టేషన్) నియోజకవర్గం చిల్పూర్ మండలం పల్లగుట్ట గ్రామంలో విద్యుత్ మౌలిక సదుపాయాల అభివృద్ధి కార్యక్రమాలు ఘనంగా నిర్వహించారు. ఉప ముఖ్యమంత్రి, ఆర్థిక, విద్యుత్ శాఖ మంత్రి మల్లు భట్టి విక్రమార్క 33/11 కేవీ సబ్‌స్టేషన్లకు శంకుస్థాపన చేయడంతో పాటు పలు సబ్‌స్టేషన్లను ప్రారంభించారు.

టీజీఎన్పీడీసీఎల్ ఆధ్వర్యంలో రూ.60.62 కోట్ల వ్యయంతో చేపట్టిన ఈ పనుల ద్వారా 60,838 మంది వినియోగదారులకు ప్రయోజనం చేకూరనుంది. పీచరలో రూ.43.92 కోట్లతో 132/33 కేవీ సబ్‌స్టేషన్ ప్రారంభించగా, పల్లగుట్ట, లింగంపల్లి, నష్కల్ గ్రామాల్లో కొత్త సబ్‌స్టేషన్లకు శంకుస్థాపన చేశారు. రైతులు, గృహ వినియోగదారులకు విద్యుత్ సరఫరా మరింత మెరుగుపడనుంది.