వన్డే ల్లో అత్యధిక సిక్స్‌ల వీరుడిగా హిట్ మ్యాన్ రోహిత్!

అంతర్జాతీయ క్రికెట్‌లో రోహిత్ శర్మ మరో అరుదైన రికార్డును కైవసం చేసుకున్నాడు. 351 సిక్స్‌లు కొట్టి రికార్డు సృష్టించిన షాహిద్ అఫ్రిది మైలురాయిని రోహిత్ అధిగమించాడు. కేవలం 269 ఇన్నింగ్స్‌ లో 352 సిక్స్‌లు బాదిన రోహిత్ శర్మ పవర్ హిట్టర్‌గా తన ప్రభావాన్ని మరోసారి నిరూపించాడు.

ప్రస్తుత తరం అత్యుత్తమ పరిమిత ఓవర్ల బ్యాట్స్‌మెన్‌లో రోహిత్ ఎందుకు ముందున్నాడో ఈ రికార్డు మరోసారి చెబుతోంది. అన్ని ఫార్మాట్లలోనూ నిలకడగా సిక్స్‌లు బాదే అతని సామర్థ్యాన్ని ప్రపంచ క్రికెట్ ప్రశంసిస్తోంది. కెరీర్‌లో ఇంకా చాలా మ్యాచ్‌లు మిగిలి ఉండడంతో ఈ రికార్డును మరింత దూరం తీసుకెళ్లే అవకాశం ఉంది.

రోహిత్ ఈ ఘనత సాధించడంతో అభిమానులు, క్రికెట్ వర్గాలు సోషల్ మీడియాలో భారీగా శుభాకాంక్షలు తెలుపుతున్నారు.