WPL లో సంచలనం-తొలి సెంచరీ చేసిన ముంబై ప్లేయర్ నాట్ స్కివర్ బ్రంట్!

టాటా ఉమెన్స్ ప్రీమియర్ లీగ్ (WPL) చరిత్రలో తొలి శతకాన్ని నమోదు చేసి ముంబై ఇండియన్స్ స్టార్ ఆల్‌రౌండర్ నాట్ స్కివర్-బ్రంట్ సరికొత్త చరిత్ర సృష్టించారు. రాయల్ ఛాలెంజర్స్ బెంగళూరు‌తో జరిగిన మ్యాచ్‌లో ఆమె ఈ ఘనత సాధించి, మూడు సీజన్ల తర్వాత డబ్ల్యూపీఎల్‌లో శతకం చేసిన తొలి బ్యాటర్‌గా నిలిచారు.

ఆమె అద్భుత ఇన్నింగ్స్‌తో ముంబై ఇండియన్స్ జట్టు 20 ఓవర్లలో 199 పరుగులకు 4 వికెట్లు సాధించింది. పవర్‌తో పాటు క్లాస్‌ను మేళవించిన ఈ ఇన్నింగ్స్ అభిమానులను ఉర్రూతలూగించింది. విజయానికి ఆర్సీబీ ముందు 200 పరుగుల భారీ లక్ష్యం ఉండగా, స్కివర్-బ్రంట్ రికార్డు ఇన్నింగ్స్ డబ్ల్యూపీఎల్ చరిత్రలో చిరస్థాయిగా నిలిచింది.

ఆర్సీబీపై 100* పరుగులతో డబ్ల్యూపీఎల్ చరిత్రలో తొలి శతకం సాధించిన నాట్ స్కివర్-బ్రంట్, 2025లో జార్జియా వోల్ చేసిన 99*, 2023లో సోఫీ డివైన్ చేసిన 99 పరుగుల రికార్డులను అధిగమించింది.