ఎల్బీ స్టేడియంలో ఫుట్‌బాల్ ఫెస్టివల్..?

స్పోర్ట్స్ అథారిటీ ఆఫ్ తెలంగాణ ఆధ్వర్యంలో ఎల్బీ స్టేడియం, హైదరాబాద్‌లో నిర్వహించిన తొలి యంగ్ తెలంగాణ ఫుట్‌బాల్ లీగ్ విజయవంతంగా ముగిసింది. సెమీఫైనల్స్‌లో పెట్రా స్పోర్ట్స్ అకాడమీ పెనాల్టీల్లో విజయం సాధించగా, రీడ్స్ FC ఫైనల్‌కు చేరింది. ఫైనల్‌లో రీడ్స్ FC 2-1 తేడాతో పెట్రా స్పోర్ట్స్ అకాడమీపై గెలిచి తొలి ఎడిషన్ చాంపియన్స్‌గా నిలిచింది.

ముగింపు వేడుకలో పలువురు యువ క్రీడాకారులకు పురస్కారాలు అందజేశారు. రీడ్స్ FCకి చెందిన సుజయ్‌కు ప్రామిసింగ్ ప్లేయర్ అవార్డు, LB స్టేడియం Aకి చెందిన కరునియాకు బెస్ట్ స్ట్రైకర్ అవార్డు, పెట్రా జట్టు గోల్‌కీపర్ సనావ్‌కు బెస్ట్ గోల్‌కీపర్ అవార్డు లభించాయి. ధ్యాన్ చంద్ అవార్డు గ్రహీత షబ్బీర్ అలీ ముఖ్య అతిథిగా హాజరయ్యారు.