టీ20 వరల్డ్ కప్ : డకౌట్ లో 'అభిషేక్ శర్మ' రికార్డ్

భారత జట్టు విధ్వంసకర ఓపెనర్‌గా ప్రత్యర్థి బౌలర్లను భయపెట్టిన అభిషేక్ శర్మ ప్రస్తుతం ఐసీసీ మెన్స్ టీ20 వరల్డ్ కప్ 2026 లో తీవ్ర ప్రతికూల ఫామ్‌లో ఉన్నాడు.యూఎస్‌ఏ, పాకిస్తాన్‌, నెదర్లాండ్స్‌తో జరిగిన తొలి మూడు మ్యాచ్‌ల్లో ఖాతా కూడా తెరవలేక హ్యాట్రిక్ డకౌట్ల అపఖ్యాతిని మూటగట్టుకున్నాడు. తన తొలి టీ20 ప్రపంచకప్‌లోనే వరుసగా మూడు మ్యాచ్‌ల్లో పరుగులు చేయకపోవడం అభిమానులను నిరాశపరిచింది.

ఇటీవలి ప్రదర్శనతో అతని ఫామ్‌పై ఆందోళనలు పెరిగాయి. చివరి ఏడు అంతర్జాతీయ టీ20 ఇన్నింగ్స్‌లలో ఇది ఐదో డకౌట్ కావడం మరింత ఆందోళనకరం. నెదర్లాండ్స్‌తో జరిగిన మ్యాచ్‌లో జెర్సీ మార్పు చేసినా ఫలితం లేకపోయింది. తాజా డకౌట్‌తో అభిషేక్, ఒక క్యాలెండర్ ఇయర్‌లో టీ20ల్లో అత్యధిక డకౌట్లు చేసిన భారత బ్యాటర్‌గా సంజూ శాంసన్ పేరిట ఉన్న అనుకోని రికార్డు సమం చేశాడు.