బిగ్‌బాస్ తెలుగు 9 : టైటిల్ విన్నర్ గా కళ్యాణ్ పడాల

దాదాపు 104 రోజుల పాటు ఉత్కంఠభరితంగా సాగిన బిగ్‌బాస్ తెలుగు సీజన్ 9 కి నేటితో ముగింపు పలికింది. తనూజ, కళ్యాణ్ మధ్య హోరాహోరీగా జరిగిన గ్రాండ్ ఫినాలేలో కళ్యాణ్ పడాల విజేతగా నిలిచి బిగ్‌బాస్ సీజన్ 9 టైటిల్‌ను సొంతం చేసుకున్నారు. సీజన్ 9 విన్నర్‌గా కల్యాణ్ పడాలాను (Kalyan Padala) కింగ్ నాగార్జున డిక్లేర్ చేశారు. కచ్చితంగా గెలుస్తుందని అనుకున్న తనూజాకు నిరాశే మిగిలింది.

ఆర్మీ సోల్జర్ అయిన కళ్యాణ్ పడాల బిగ్‌బాస్ సీజన్-9 కిరీటాన్ని కైవసం చేసుకోవడం విశేషం. టాప్-3 లో నిలిచిన డీమాన్ పవన్ రూ.15 లక్షల నగదు తీసుకుని బయటకు వెళ్లడంతో, విజేత కళ్యాణ్‌కు రూ.35 లక్షల నగదు బహుమతిగా లభించింది. అంతేకాకుండా మారుతి సుజుకి బ్రెజ్జా కారు, 600 గజాల ప్లాట్, రూ.15 లక్షల విలువైన బంగారు ఆభరణాలు కూడా ఆయనకు బహుమతిగా అందాయి. ఈ సీజన్‌లో నటి తనూజ రన్నరప్‌గా నిలిచారు.