నేడు ఉస్తాద్ భగత్ సింగ్ ట్రైలర్ రిలీజ్..!

పవన్ కళ్యాణ్ నటిస్తున్న ఉస్తాద్ భగత్ సింగ్ సినిమాకు సంబంధించిన ట్రైలర్ ఈరోజు సాయంత్రం 6:30 గంటలకు విడుదల కానుంది. హరీష్ శంకర్ దర్శకత్వంలో రూపొందుతున్న ఈ చిత్రాన్ని మైత్రి మూవీ మేకర్స్ సంస్థ నిర్మిస్తోంది. నవీన్ యెర్నేని, వై. రవి శంకర్ నిర్మాతలుగా వ్యవహరిస్తున్నారు. “ఈసారి ప్రదర్శన బద్ధలైపోద్ది” అనే నినాదంతో ఈ సినిమాలో పవన్ కళ్యాణ్ నటనపై భారీ అంచనాలు నెలకొన్నాయి.

ఈ చిత్రానికి దేవి శ్రీ ప్రసాద్ సంగీతం అందించగా నేపథ్య సంగీతాన్ని థమన్ అందిస్తున్నారు. ఉస్తాద్ భగత్ సింగ్ సినిమా ఈ నెల 19 న ప్రపంచవ్యాప్తంగా థియేటర్లలో విడుదల కానుంది. ఈరోజు ట్రైలర్ విడుదల కావడంతో అభిమానుల్లో భారీ ఉత్సాహం కనిపిస్తోంది. ట్రైలర్ విడుదలతో సినిమాపై మరింత ఆసక్తి పెరిగే అవకాశాలు ఉన్నాయని సినీ వర్గాలు భావిస్తున్నాయి.