100 మిలియన్ల వ్యూస్‌ తో దూసుకుపోతున్న ‘మన శంకర వరప్రసాద్ గారు’ పాటలు

అనిల్ రావిపూడి దర్శకత్వంలో మెగాస్టార్ చిరంజీవి, నయనతార ప్రధాన పాత్రల్లో వస్తున్న ‘మన శంకర వరప్రసాద్ గారు’ నుంచి విడుదలైన పాటలు సంగీత ప్రియులను బాగా ఆకట్టుకుంటున్నాయి. మొదట విడుదలైన ‘మీసాల పిల్ల’ పాటకు ప్రేక్షకుల నుంచి భారీ స్పందన లభించింది. రిలీజ్ అయిన కొద్దిగంటల్లోనే చార్ట్‌బస్టర్‌గా మారిన ఈ సాంగ్ ఇప్పటికే 80 మిలియన్లకు పైగా వ్యూస్‌ను సొంతం చేసుకుంది.

ఇటీవ‌ల రిలీజ్ చేసిన ‘శశిరేఖ’ సాంగ్ కూడా వేగంగా అందరి దృష్టిని ఆకర్షిస్తోంది. ఈ పాట 20 మిలియన్ల మార్క్‌ను దాటుతూ మంచి ట్రెండ్‌ను సృష్టించింది. రెండు పాటలు కలిపి 100 మిలియన్ల వ్యూస్‌ను దాటేసి, చిత్రంపై మరింత బజ్‌ను పెంచుతున్నాయి. ఈ రెస్పాన్స్‌తో సినిమాకు కొత్త వైబ్ ఏర్పడిందని ఫ్యాన్స్ ఆనందం వ్యక్తం చేస్తున్నారు.