ప్రేక్షకులకు న్యూ ఇయర్ శుభాకాంక్షలు తెలిపిన లవ్ జాతర మూవీ టీమ్

అంకిత్ కొయ్య, మానస చౌదరి హీరో హీరోయిన్లుగా యూజీ క్రియేషన్స్ బ్యానర్‌పై రూపొందుతున్న లవ్ ఎంటర్‌టైనర్ ‘లవ్ జాతర’ సినిమా టీమ్ న్యూ ఇయర్ సందర్భంగా ప్రేక్షకులకు శుభాకాంక్షలు తెలిపింది. ‘సమ్మతమే’ ఫేమ్ గోపీనాథ్ రెడ్డి రచన, దర్శకత్వంలో తెరకెక్కుతున్న ఈ చిత్రాన్ని కంకణాల ప్రవీణ నిర్మిస్తున్నారు. ప్రస్తుతం సినిమా రెగ్యులర్ షూటింగ్ దశలో ఉండగా, కొత్త ఏడాదిలో ప్రేక్షకులకు మరిన్ని ఆసక్తికరమైన అప్‌డేట్స్ ఇవ్వబోతున్నామని చిత్రబృందం తెలిపింది.

కంప్లీట్ రోలర్ కోస్టర్ లవ్ ఎంటర్‌టైనర్‌గా రూపొందుతున్న ‘లవ్ జాతర’కి చేతన్ భరద్వాజ్ సంగీతం అందిస్తున్నారు. సినిమాటోగ్రఫీ బాధ్యతలను సుజాత సిద్ధార్థ్ నిర్వహిస్తున్నారు. నూతన సంవత్సరం సందర్భంగా విడుదల కానున్న అప్డేట్స్ సినిమాపై అంచనాలను మరింత పెంచనున్నాయని చిత్ర యూనిట్ విశ్వాసం వ్యక్తం చేసింది.