7 కోట్లకు అమ్ముడైన స్వయంభు ఓవర్సీస్ – నిఖిల్‌కు భారీ గౌరవం.

యంగ్ హీరో నిఖిల్ సిద్ధార్థ అత్యంత ప్రతిష్ఠాత్మకంగా రూపొందిస్తున్న చిత్రం స్వయంభు షూటింగ్ ఇటీవలే పూర్తయింది. ఈ పీరియడ్ యాక్షన్ ఎపిక్ మహాశివరాత్రి సందర్భంగా ఫిబ్రవరి 13, 2026న గ్రాండ్ రిలీజ్‌కు సిద్ధమవుతోంది. ఇటీవల విడుదలైన పోస్టర్‌తో పాటు, 'రైజ్ ఆఫ్ స్వయంభు' అనే మేకింగ్ వీడియోలో టీమ్ పెట్టిన కష్టం, అంకితభావం స్పష్టంగా కనిపించి సినీ ప్రేమికుల్లో భారీ ఎక్సైట్‌మెంట్‌ను క్రియేట్ చేసింది. ఈ వీడియోలో నిఖిల్ తన ఫిజికల్ ట్రాన్స్‌ఫర్మేషన్, హార్స్ మారుతి (ఫిల్మ్‌లో కీ రోల్)తో బాండింగ్, టెక్నీషియన్స్ పట్ల గ్రాటిట్యూడ్ – అన్నీ హైలైట్ అయ్యాయి.

ఇప్పటికే స్వయంభు మంచి బజ్ క్రియేట్ చేసుకుంది. ముఖ్యంగా ఓవర్సీస్ రైట్స్ ఫార్స్ ఫిల్మ్స్‌కి 7 కోట్ల భారీ మొత్తానికి అమ్ముడుపోవడం, నిఖిల్ కెరీర్‌లో ఇప్పటివరకు జరిగిన అతిపెద్ద ఓవర్సీస్ డీల్‌గా నిలిచింది. ఇంత భారీ స్కేల్‌లో వచ్చిన సినిమాలు విదేశాల్లో ఎప్పుడూ మంచి వసూళ్లు సాధిస్తాయి. నిఖిల్‌కి కూడా గ్లోబల్ మార్కెట్‌లో మంచి బిజినెస్ పొటెన్షియల్ ఉన్నట్టే ఇది మరోసారి నిరూపితమైంది. ఈ పాన్-ఇండియా మల్టీలింగ్వల్ ఫిల్మ్ (తెలుగు, తమిళం, కన్నడం, మలయాళం, హిందీ సహా 8 భాషల్లో, మూడు ఇంటర్నేషనల్ వెర్షన్స్‌తో) భారతీయ చరిత్రలో అన్‌టోల్డ్ చాప్టర్‌ను చిత్రిస్తూ, కింగ్స్, వార్స్ మించిన కల్చరల్ గ్రాండ్‌నెస్‌ను చూపిస్తుందని నిఖిల్ స్పెషల్ మెసేజ్‌లో పేర్కొన్నారు.

ఈ భారీ చిత్రంలో సంయుక్త మీనన్, నభా నటేశ్ హీరోయిన్లుగా మెరుస్తున్నారు. దర్శకుడు భరత్ కృష్ణమాచారి దర్శకత్వం వహిస్తున్నారు. పిక్సెల్ స్టూడియోస్ తరఫున భువన్, శ్రీకర్ నిర్మిస్తున్నారు, టాగోర్ మధు సమర్పిస్తున్నారు. అత్యంత భారీ బడ్జెట్‌తో, అత్యున్నత సాంకేతిక నైపుణ్యంతో రూపొందుతున్న స్వయంభు, మేకర్స్ విజన్‌కు తగ్గట్టు ఔట్‌అండ్‌ఔట్ విజువల్ స్పెక్టాకిల్‌లా రాబోతుందని చెప్పవచ్చు. నిఖిల్ 20వ సినిమాగా ఈ మైల్‌స్టోన్‌ను గ్లోబల్ లెవెల్‌లో సెట్ చేస్తున్నాడు.