డేటింగ్‌పై మనసు మార్చుకున్న శోభిత.. గత వ్యాఖ్యలపై ఆసక్తికర స్పందన

హీరోయిన్ శోభిత ధూళిపాళ్ల తన గత వ్యాఖ్యలపై ఆసక్తికరంగా స్పందించింది. గతంలో తాను ఒక నటుడితో ఎప్పుడూ డేటింగ్ చేయనని చెప్పిన మాటల వెనుక అప్పటి తన ఆలోచనలు, చుట్టూ ఉన్న పరిస్థితులే కారణమని వెల్లడించింది. వయసు పెరిగే కొద్దీ మన ఆలోచనలు మారడం సహజమని, పరిస్థితులకు అనుగుణంగా అభిప్రాయాలను మార్చుకోవడంలో తప్పేమీ లేదని పేర్కొంది. ఎప్పుడూ ఒకే విధంగా ఆలోచించడం కంటే జీవితంలో వచ్చే మార్పులను స్వీకరించడం ముఖ్యమని అభిప్రాయపడింది.

ప్రేమ గురించి మాట్లాడుతూ, అది కేవలం ఇద్దరి మధ్య ఉండే సంబంధం లేదా రొమాన్స్ మాత్రమే కాదని శోభిత తెలిపింది. ఇద్దరి మనసులు కలవడమే ప్రేమకు అసలైన అర్థమని పేర్కొంది. జీవితంలో ఎలాంటి మార్పునైనా స్వీకరించడానికి తాను సిద్ధంగా ఉన్నానని చెప్పింది. కాగా, శోభిత ధూళిపాళ్ల, నటుడు నాగచైతన్య 2024లో వివాహ బంధంతో ఒక్కటయ్యారు. వీరి వివాహ వేడుక హైదరాబాద్‌లోని అన్నపూర్ణ స్టూడియోస్‌లో ఘనంగా జరిగింది.