రామ్ చరణ్ వర్కర్స్ ‘పెద్ది’ పాటలకు డ్యాన్స్ చేసి వైరల్ అయ్యారు

రామ్ చరణ్ నటించిన ‘పెద్ది’ సినిమా థియేటర్లలో మిక్స్‌డ్ టాక్‌తో కొనసాగుతోంది. తెలుగులో మాత్రమే మంచి కలెక్షన్స్ వస్తుండగా, ఇతర భాషల్లో ఆశించిన స్థాయిలో స్పందన రాలేదు. అయినప్పటికీ మెగా ఫ్యామిలీలో సినిమా మేనియా కనిపిస్తోంది. రామ్ చరణ్ కూతురు క్లీంకార తండ్రికి ప్రత్యేకంగా విషెస్ తెలిపింది. ఉపాసన షేర్ చేసిన వీడియో సోషల్ మీడియాలో వైరల్ అవుతోంది.

ఆ వీడియోలో “దిస్ ఈజ్ ఫర్ యూ నాన్న, లవ్ యూ సో మచ్” అంటూ క్లీంకార చెప్పిన మాటలు అభిమానులను ఆకట్టుకున్నాయి. అలాగే ఇంట్లో పనివాళ్లు కలిసి ‘చికిరి చికిరి’ పాటకు డ్యాన్స్ చేయడం, చివర్లో సెక్యూరిటీ గార్డ్‌తో వైరల్ స్టెప్ వేయడం వైరల్‌గా మారింది. స్పోర్ట్స్ డ్రామాగా వచ్చిన ఈ సినిమాలో చరణ్ క్రికెటర్, రెజ్లర్, రన్నర్‌గా మెప్పించాడు. అయితే జాన్వీ కపూర్ సీన్లపై నెగిటివిటీ రావడంతో దర్శకుడు బుచ్చిబాబు క్షమాపణ చెప్పాడు. రెండు రోజుల్లోనే ఈ సినిమా రూ.181 కోట్ల గ్రాస్ వసూలు చేసింది.