గ్లింప్స్ ఒకటి… కాని సమాచారం టన్నులు - మీరు డీకోడ్ చేశారా?

రాజమౌళి దర్శకత్వంలో, మహేష్ బాబు ప్రధాన పాత్రలో వచ్చిన వారణాసి గ్లింప్స్ భారీ స్పందనను పొందుతోంది. మొదటి ప్రదర్శనలో టెక్నికల్ సమస్యల వల్ల రియాక్షన్ కొద్దిగా తగ్గినప్పటికీ, ఇప్పుడు అభిమానులు వీడియోను మళ్లీ మళ్లీ చూస్తూ అందులో ఉన్న పురాణ రహస్యాలు, డిటైల్‌లను డీకోడ్ చేస్తున్నారు.

ఫ్యాన్ థియరీల ప్రకారం, మహేష్ బాబు నటించిన పాత్ర ప్రస్తుత కాలం నుంచి టైమ్ ట్రావెల్ చేసి విలన్ పాత్రలో నటించిన పృథ్విరాజ్ సుకుమారన్‌తో కలిసి మరో కాలానికి చేరుతుంది. “సంభవి” అనే గ్రహశకలం ఓపెన్ చేసిన పోర్టల్ ద్వారా కాలయానం జరుగుతుందని భావిస్తున్నారు. కలి యుగం నుంచి త్రేతాయుగానికి మారే షాట్లు, మహేష్–పృథ్విరాజ్ రథయాత్ర, సంజీవని కోసం రామాయణ కాలానికి వెళ్లిన మిషన్‌ను సూచిస్తున్నాయి.

అదే సమయంలో, ప్రియాంకా చోప్రా ఒక గుహలో పడిపోయే సన్నివేశం కూడా చర్చనీయాంశమైంది. అక్కడ ఆమె స్వశిరోఛ్ఛేదిత దేవత చిన్నమస్తా దేవిని దర్శిస్తుందనే షాట్ అభిమానులను ఆశ్చర్యపరిచింది. ఈ గ్లింప్స్‌లో టైమ్ ట్రావెల్, హిందూ పురాణాలు, సైన్స్ ఫిక్షన్ ఎలిమెంట్స్ అన్ని కలిసి ఒక విస్తృతమైన ఫాంటసీ నేరేటివ్‌ను చూపుతున్నాయని అభిమానులు అంటున్నారు. VFX పని, స్కేలు, డిటైల్ లెవల్‌కి పెద్దగా ప్రశంసలు వస్తున్నాయి.